Meeqqat inissinneqarsimasut inersimasut amigaatigaat

Meeqqanut inuusuttunullu Nuna tamakkerlugu isumaginninnikkut suliniutit amerlapput - meeqqanilli angerlarsimaffiup avataani inissinneqarsimasunik sullissisunut ilinniartitsineq amingaataavoq. Tamanna SFI-mit nalunaarusiami nutaami uppernarsarneqarpoq "Kalaallit Nunaanni meeqqanut isumaginninnikkut suliniutit"-ni saqqummersinneqarlaami.

Nalunaarusiami siullerpaamik uppernarsaaserneqarpoq isumaginninnikkut meeqqat inuusuttullu ikiorneqarnerat, ilisimatoorlu Else Christensen SFI-meersoq misissuinermik ingerlatsisuusoq isumaqarpoq suliniutit ilinniarsimasunit isumagineqarnissaata qulakkeerniarnerata ajornartorsiutaanera eqqarsarnartoqartoq.

- Ilaqutariinnut paaqqutarinnittartunut ilinniartitsiniarluni iliuuseqanngiusavittoq takusinnaavarput. Tassami, ataasiakkaaqarpoq, kisianni pitsassuungillat kommunillu ilaanni soqarani, Else Christensen oqarpoq.

Taanna aamma ingerlatsisuuvoq siusinnerusukkut SFI-mit meeqqat inuusuttullu maani misissuiffigineqarmata Atugarissaarneq pillugu ilisimasarfimmit.

Tassalu ajornartorsiutaavoq,  meeqqat inuusuttullu 8 aamma 10 procentiisa akornanniittut angerlarsimaffimmik avatanut inissinneqarsimatillugit,
sulisunut, paaqqutarinnittunut kajumissuserlu tunngavigalugu sulisunut toqqaannartumik iliuutsit taama ikitsigimmata, nalunaarummi oqaatigineqarpoq.

Tamanna qanoq malunnarsisarpa?

- Meeqqap naalannginneranut imaluunniit naalliunneranut - taamalillunilu eqqumiitsumik pissuteqarneranut suna assigiinngissutanersoq ilisimassallugu ajornakusoorsinnaavoq. Tassa taanna assersuutinnguuvoq, meeqqanik allaanerusumik isiginnilernissamut ilisimasaqassutsip iluaqutaasinnaassusianut, taamaalilluni ikiuunnisasq aallartissinnaammat, Else Christensen oqarpoq.

Taanna tassa isumaqarpoq, inersimasut meeqqanut avatangiisaasut pisariaqartunik piginnaasaqanngikkaangata, meeqqat ikiorneqanngitsoorsinnaanera qanissinnaasoq.
Tassalu kommunip isumaginninermi sulianik ingerlatsisui, isumaginninermi siunersortitut ilinniarsimanngikkaangata aammalu assersuutigalugu meeraq ilaqutariinni paaqqutarineqartillugu taamaappoq.

- Ilaqutariinnut paaqqutarinnittartunut ilinniartitsiniarluni iliuuseqanngiusavittoq takusinnaavarput. Tassami, ataasiakkaaqarpoq, kisianni pitsasuungillat kommunillu ilaanni soqarani, Else Christensen oqarpoq.

Aammali isumagininnikkut suliniutit misissuaatarnerisa takutippaat, meeqqanut inuusuttunullu ilumut suliniuterpassuaqartoq. Nuna tamakkerlugu 141-pput, tamannalu pisaasuuvoq, naak aamma amingaataasut takunissaat pingaaraluartut.

- Oqartoqaraluarpat, Kalaallit Nunaanni meeqqat inuusuttullu pitsaasumik ikiorneqarneq ajortut, tamanna ilumuunngilaq. Aammali tikkuarsinnavarput, periaatsit ilaat aaqqinneqarsimanngimmata ajornarkusoortitsisoqalersinnaasoq, SFI-p atugarissaarneq pillugu ilisimatusarfiani ilisimatooq Else Christensen taama oqarpoq. Taanna Nunatsinni meeqqat inuusuttullu pillugit siusinnerusukkut amma misissuisareerpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat