Meeqqat immikkut ikiorneqartariallit pillugit Qaasuitsumi oqallittoqassaaq
Ataatsimiinnerup kingorna peqataasut isumaqatigiissusiornissaat siunertaavoq, taanna naleraralugu ingerlanissaq pilersaarusiorneqassalluni.
- Inoqarfinni nukiit pigineqartut iluaqutigalugit innutaasut kivitseqataanissaat Qaasuitsup Kommuniani pingaartikkatsigu, ataatsimiititsinikkullu siunnersuutit qinikkatut iluaqutigisinnaasatta pissarsiarinissaat angorusupparput, Isumaginninnermi ataatsimiititaliap siulittaasua Bendt B. Kristiansen oqarpoq.
Februaarip tallimaanni Nunatsinni borgmesterit sisamaasut isumaqatigiissut "Ataatsimut kivitseqatigiinneq" atsiorpaat. Taamatut isumaqatigiissuteqarnikkut suliniarnikkut pitsaanerusumik attaveqaqatigiinnissaq ataqatigiissaagaanerusumillu suliniarnissaq qulakkeerniarneqarpoq. Isumaqatigiissummi suliniaqatigiiffiit namminersortut namminnerlu kajumissutsiminnik sulisut ilaatinneqarnissaat pineqarpoq.