Meeqqat illersuisuata Randi Broberg akerlilerpaa
Aaja Chemnitzip erseqqissaatigaa meeqqat sullinniarlugit ukiup appaa avillugu meeqqat illersuisuattut sulinermini illoqarfiit nunaqarfiillu aqqaneq marluk tikeraarsimallugit. Kingullermillu Qaqortumiilluni Kulusummiissimavoq.
- FN-ip meeqqat pillugit isumaqatigiissutaa tunngavigalugu sulivunga, taannalu immikkut inuiaassuseq najugarlu tunngavigalugit immikkoortitsineq ajorpoq. Kalaallit Nunaanni meeqqat TAMAASA sullippakka, Meeqqat Illersuisuat Aaja Chemnitz Larsen nassuiaavoq.
MIO-p meeqqallu illersuisuata suliniutigisaattut tulliuvoq tullissaat tassaavoq "Meeqqat oqallittarfissaannik" pilersitsinissaq, tassanilu atuarfinni 6.-7. klassit sammineqartussaapput. Atuartut taakku suliniummut peqataaqqullugit ungasinngittukkut qaaqquneqassapput, ilaatigut Nunatsainni meeqqat tamaasa sammisat assigiinngitsut pillugit isumaat tusaaniarneqassalluni.
- Meeqqat meeraaneq pillugu ilisimatuujupput, taamaammat tusarnaartariaqarpagut. Kisianni meeqqat Nuummi inuunerat Narsarmi imaluunniit Kuummiuni meeqqat inuunerannit allaaneruvoq, taamaammat sumiiffinni assigiinngitsuni apersuinissaq pingaaruteqarpoq meeqqat ullumikkut inuunerat erseqqaarinnerusumik paasisinnaaniassagatsigu, Aaja Chemnitz Larsen taama isumaqarpoq.