Meeqqat cigaretsillu pujua ataqatigiinngillat

Taamaammat Paarisa klassinut pujortarfiunngitsunut kingumut unammisitseqqilerpoq.

- Meeqqap alliartornerannik, misigissusiinik ilikkagaqarsinnaanerannillu pujortartarneq ajoqusersuisarpoq. Pujortartaraanni meeraanermi, inuusuttuunermi kingusinnerusukkullu inersimasuunermi peqqissutsip ajoquserneqaatigisarpaa, Peqqissutsimut Pisortaqarfik unammisitsinissamut tunngavilersuivoq.

5. klassimiit 11. klassimut atuartut unamminermi peqataasinnaapput, unammisitsinerullu siunertaraa meeqqat inuusuttullu, avatangiisit ulluinnarnilu unammillerneqarsinnaasut naapertorlugit peqqinnartunik qinigaqarsinnaaanermik peqqinnartumillu inuunermik qinigaqarsinnaanermik sianissusaannik annertunerulersitsissaaq. Unammisitsinermi akullerni angajullernilu ajugaasut 20.000 koruuninik akissarsitinneqassapput.

Klassit tamarmik peqataasinnaapput, atuaqatigiilli pujortartartuunnginnissaat piumasaqaataavoq.

Kikkut 20.000 koruuninnannersut PAARISA-p ukioq naalerpat paasissutissiissutigissavaa.