Meeqqat atugaat pillugit ataatsimeersuartiltsilerpoq
Peqatigiiffik Meeqqat Inuunerissut Naalakkersuisut Ilaqutariit Nukittuut pillugit ataatsimeersuartitsineranni aaqqissuusseqataanerminnit tunuarput.
Aaqqissuusseqataanerminni meeqqat ataatsimeersuarnermut qaaqqusaannginnerat iluarisimanngilaat, maannalu meeqqat atugaat pillugit ukiamut ataatsimeersuartinnissamut piareersaaleruttorput.
- Meeqqat peqataasariaqartut isumaqarpugut, taakku ukiamut ataatsimeersuartinneqarnissaat piareersarparput, Aaja Chemnitz Larsen peqatigiiffimmi siulersuisunut ilaasortaq oqarpoq.
Meeqqat Inuunerissut ataatsimeersuartitsinissaat Nuna Fondenimit Inuuneritta Puljemiillu aningaasaliiffigineqartoq, AG-imi allaaserineqarpoq.
Meeqqat Inuunerissut aamma pilersaarutigivaat Nuummi sinerissamilu meeqqanut tusarnaartitsinissaq.