Meeqqat atuarunnaartartut pikkorissigaluttuinnarneranik oqarneq uppernarsaatissarsiniarneqarpoq
Taamatut oqarnera Sulisitsisut Kattuffiannit Grønlands Arbejdsgiverforening-imit uppernarsaatissarsineqarusuppoq.
Hans Enoksen ukiortaami oqalugiarnermini ilaatigut ima oqarpoq.
"Ukiaq ataatsimeersuarnermi tusakkat qiimmaallaanartoqarput, tassanimi oqaatigineqartut ilagimmassuk meeqqat atuarfianniit naammassisartut pikkorissigaluttuinnartut ”. Hans Enoksen ukiortaami oqalugiarluni taamatut oqarpoq.
Sulisitsisut kattuffianni Grønlands Arbejdsgiverforeningemi ataqatigiissaarisoq Jens K. Lyberth Naalakkersuisut siulitaasuata ilinniartitaaneq pillugu oqaaseqarnera uppersaatissaaleqissuppaa.
Ilinniartitaanerup sammineqarnera iluarisimaarneqarpoq, ilinniartulli amerligaluttuinnarnerannik pikkorissigaluttuinnarnerannillu naalakkersuisut siulitaasuata oqarnera uppernarsaaserneqarnissaat, sulisitsut kattuffiannit takorusupput.
Hans Enoksen oqalugiarami ilaatigut imatut aamma oqarpoq.
"Meeqqat atuarfianniit ingerlaqqikkusullutik ilinnialersartut amerliartorput. Efterskolerusuttut amerlalluinnarput aammalu ilinniarnertuunngorniarfinni aallartittartut aatsaat taamak amerlatigipput".
Hans Enoksen ukiortaami oqalugiarnermini ilinniartitaaneq atuartitaanerlu pillugit ilaatigut taamatut oqarpoq.
