Meeqqat atuarfianniit naggataarnersiorneq pilukaffiusoq
Qorsussuarmi atuartut Nuup timersortarfissuani sammisaqartitsisut alakkarpagut:
Naggataarnersiortut illoqarfimmi Nuussuarmilu nipiliorlutik ullortik aallartippaat. Nuummi atuartut qaammatit marluk missaanni piareersareerlutik kiisami naammassiinnaqaat. Naggataartut ilagaat 15-ninik ukiulik Tara. Tara atuaqatini assigalugit qalipaatigeqisunik atisalersorluni pikisimavoq:
- Ullaarnganiit itiaariarluta illoqarfimmi nipilioriarluta, ilinniartitsisugut aariarlugit atuarfitsinni nereqatigiippugut. Maannakkut Godthåb Hallemi pinnguartitsilerpugut.
Qanoq ippa taamaaliorluni?
-Ajunngilaq, ataatsimuulaarluni nuannerpoq.
Maaneereerussi susoqassava?
- Inuit piareersariakaassapput, unnugu klassit immikkoorluta ataatsimooqatigiissagatta, nereqatigeeriarluta fistissaagut, Tara taama oqarpoq.
Nuup timersortarfissua atuartunik 2-300 missaannik inoqarpoq. Atuartut anginerit pinnguaatinik assigiinngitsunik sammisaqartitsipput:
- Staffetertoqassaaq, fødeboorlunik sukkaniullutik nerisoqassaaq, noqqoruuttoqassaaq kinguneratigullu høvdingeboldtertoqassaaq arsaattoqassallunilu naggataartut ilinniartitsisullu unammissallutik, Tara oqarpoq.
Tarap naammasseqataa Ilasiaq aamma nuannisaqataavoq:
Ullup ingerlanera qanoq igaajuk?
- Tass ajunngilaq, sialleraluartoq ajunngilaq.
Maannakkumut suna nuannernerpaajutippigit?
- Mamakujuttunik milloornermik.
Meeqqat qanoq igivaat?
- Ajorinngilaat, arpaqattaaqaagut, Ilasiaq naggataarnersiortoq taama oqarpoq.
Tara atuarunnaareernermi kingorna ukioq ataaseq unikkallarniarpoq, Tarallu Inuussutissalerinermik ilinniarfimmi Inuilimut imaluunniit Teknisk gymnasiummimi HTX-mi atualernissani eqqarsaatigaa. Ilasiarlu ukiamut Piareersarfimmut aallartinnissaminut akuerisaareerpoq.