2008-mi OL-eqarnissaanut atatillugu, tammaviutsussatut suliat, soorlu tujuuluaqqat, ullorsiutit, allarpassuillu akunnerit ullormut 15-it atorlugit meeqqat sulinerisigut pilersinneqartartut, nunarsuarmi sulisartut peqatigiiffiisa kattuffiat, Playfair Alliance, taama nalunaarpoq.
Pisortatigoortumik misissuineq ingerlanneqareersorlu paasineqarpoq, meeqqat sulisorineqartartut, aningaasarsiakippallaarujussuarlutik sulerujussuartinneqartartut, allaat ilaatigut ulormut akunnerit 15-it sulisinneqartarsimallutik. Paasisat kingulliit sapaatiuppat Olympiske kommite, IOC aataatsimiilerpat saqqummiunneqassasut tultui aviisat The Guardian taama allappoq.
- Meeqqat inersimasullu sulisartut atornerlunneqangaatsiarlutik sulisarnerat akuersaaneqarsinnaanngilluinnarpoq, OL-eqartarneranilu avammut kusanartumik kiinnertarnissamut taamatut pisoqartarnera innarliilluni, Tuluit Nunaanni sulisartut kattuffianni Trades Union Congress-imeersoq, Brendan Barber oqarpoq.
Kina-mi illoqarfimmi Guandong-imi meeqqat sulisinneqartartut, ukiukinnersaat 12-nik ukioqartoq misissuisimasut paasisimavaat.