Meeqqat aliikkusersoqatigiissapput
Aaqqissuussinerit ullumi ullaap tungaani qulinut aallartinneqassaaq, tassa Nuummi arsaattarfimmi Nuummi meeqqerivimmiunut sammisaqartitsisoqassammat. Ilaatigut unammissutigineqassallutik tulleriiaalluni arpaliunneq, puumut ikilluni arpaliunneq, alussaammik tigumiarluni arpaliunneq allarpassuarnillu aliikkusersuisoqassalluni ilaatigut meeqqat erinarsuutaannik meeqqallu rappissallutik.
Atuartullu mikinerit aqagu ullaap tungaani qulingiluaniit Ukaliusamit Inussivimmut ingerlaaqatigiissapput, tassanilu Hinnarik aamma Frederik nipersoqatigiillu Nanook aliikkusersuissapput. Atuartunut annernut aqagu ualikkut nalliuttorsiualaartitsisoqassaaq. Aamma tassani Hinnarik Frederillu aliikkusersuissapput, aaqqissuinerlu naggaserlugu ualilluarnerani naatitanik, kaaginik, sodavandinillu pillertoqassalluni.
Taavalu sisamanngorpat - Qilaliarfimmi - meeqqat tamarmik angajoqqaallu erinarsoqatigiinnissamut, arpannissamut, kaffillernissamut allanillu sassaalliinissamut qaaqquneqarput. Tamannalu sisamanngorpat nalunaaqutaq aqqanerniit marluk tungaanut pisussaavoq.
Aaqqissuussineq Namminersorlutik Oqartussat aamma Naalagaaffiit Peqatigiit meeqqanut suliniaqatigiiffia UNICEF suleqatigalugit pilersaarusiorneqarpoq, Pisiffillu aningaasatigut tapersersuisuulluni.