Meeqqat affaasa inuunertik iluarinngilaat

Kalaallit meerartaasa inuusuttaasalu affaat inuunerminnik iluarisimaarinnipput. Allatut oqaatigalugu meeqqat inuusuttullu affaat inuunerminnik iluarinninngillat.
Assi © : KNR
Allattoq Louise M. Kleemann
marsip 25-at 2008 13:42

Taamatut Meeqqat Inuusuttullu pillugit Ilisimasaqarfik misissuereerluni inerniliivoq.

Meeqqat Inuusuttullu pillugit Ilisimasaqarfiup misissuinermini pingaarnerutillugu paasiniarpaa meeqqat inuusuttullu inuunerminnik iluarisimaarinnilertarneranni suut pissutaasarnersut.

Misissuinerup takutippaa pissutaasinnaasut amerlaqisut pingaartinneqaqisorli meeqqat inuusuttullu kammalaatiminnut, arnaatiminnut angutaatiminnullu aammalu angajoqqaanut attaveqarluarnissaq pingaartittorujussuugaat.

Misissuinerup takutippaa niviarsiaqqanut naleqqiullugu nukappiaqqat amerlanerusut inuunerminnik iluarisimaarinnittuusut. Nukappiaqqat aperineqartut quliungaangata arfinillit akisarput inuunerminnik iluarisimaarinnillutik. Niviarsiaqqat aperineqartut 43 procentii akipput inuunerminnik iluarisimaarinnillutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq