Meeqqanut sullissisut ataqatigiinnerulernissaat sullisigineqarpoq

Meeqqanut sullissisut imminnut ataqatigiinerulernissaat paaseqatigiinnerulernissaallu anguniarlugu, sinerissaminngaaneersut inuit 100-it missaaniittut ullumi ippassarlu Katuami isumasioqatigiissinneqarput.

Meeqqanut sullissisut imminnut ataqatigiinerulernissaat paaseqatigiinnerulernissaallu anguniarlugu, sinerissaminngaaneersut inuit 100-it missaaniittut ullumi ippassarlu Katuami isumasioqatigiissinneqarput.

Isumasioqatigiisitsinermi ataqatigissarisoq Meeqqerivitsialammi suleqataasoq Agga Lund isumasioqatigissitsineq pillugu ima oqarpoq.

- Peqataasunut misigitikkusutarput unaavoq meeqqeriviit atuarfiillu susassariineranik oqaluinnarata timitalerlugulu akuleriitillugit assigiimmik sammisaqartinnissaat, imminullu ilisareqatigiinissaat, Agga Lund oqarpoq.

Meeqqerivinni atualeqqaanilu sulisut sullissaat ataasiusoq Agga Lund-ip oqaatigaa.

- Ilisimatooq Hawaii-minngaaneersoq meeqqat atualinngilaataanni alapernaanerat ilikkajanerat qanoq periuseqarluta meeqqat ilikkalertorsinnaanerat iluatsissinnaavarput. Meeqqat meeqqerivimmiippata, meeqqerivimmi sulisunut tulluarsarlugu. Atuartuuppat atuarfimmi sulinermut tulluarsarlugu. Tassani naappiffeqarpugut, taammaallaat assigiinngiffigut taakkuupput meeqqat atualinngitsut suli isumassuinermik ilaqangaatiaramik, meerarlu atualeraangat isumassuineq ilinniartitsisuninngaaniit pingaarnerpaaneq ajormat, Agga Lund oqarpoq.

Kalaallit Nunaata sineriaaninngaanniit peqataasut Proffisoriniit sakkugisinnaasaminik nunanit allanit atorneqartunik oqalugiarfigitipputtaaq.

- Ataatsimut saqqummiuffigineqarnerput, neriuutigeqaarput iluanaarfiusutut misigineqassasoq. Taavalu aamma meeqqerivinni sulisut ilinniartitsisullu misigissasut- Aah uffami meeraruna katukkipput, naggasiivoq Agga Lund.

Isumasioqatigiisitsineq inunnit pingasunit USA-meersumit Canadameersumit kiisalu Hawaii-meersunit peqataaffigineqarpoq.

Meeqqat atualernissaminnut piareersimanersut misissueriaaseq januaarimiit kalaalinngorsarneqassasoq Agga Lund-imit oqaatigineqarpoq. Tamannalu ukiup ataatsip iluani misiligarneqalissalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat