Meeqqanut suliniaqatigiiffiit: Nakkarsarneqartut atuarfitsik maalaarutigisinnaasariaqarpaat
Danskit meeqqanut suliniaqatigiiffiisa Børnerådetip, Børns Vilkårip, Red Barnetip aamma Danske Skoleeleverip tamanna piumasaralugu aviisimut Berlingskemut oqaatigaat.
Maalaaruteqarfissarlu sullissivinnik nakkutilliisoqarfittut pisinnaatitaaffeqassasoq, atuarfiillu nakkarsaarnernut suliaannut akuliussinnaassasoq, Børns Vilkårimi pisortaq, Rasmus Kjeldahl isumaqarpoq.
- Meeqqat nakkarsartittut atuarfimmiillu illersorneqarnatik misigisut inatsisitigut ullumi illersugaanngingajapput, ilinniartitsisullu atuarfimmiluunniit aqutsisut ajornartorsiutinut soqutiginninngippata maalaaruteqarfissaqarnatik, Rasmus Kjerdahl oqarpoq.
Meeqqat atuarfiini meerallit 70 procentit sinnilaarlugit, nakkarsaasoqarsimatillugu inatsimmik iliuuseqarnissamut akisussaaffiliisumik pilersitsisoqarnissaanut isumaqataasut, Gallupip Berlingske sinnerlugu misissuinerata takutippaa.
/ritzau/