Meeqqanut kanngunartuliortartut Europami politiinit akiorniarneqartut
Nittartakkat arlallit meeqqat kanngunartuliorfigineqarnerinik siammarteriffiusut videonik mianersoqqussutinik politiit ullumikkumit ikkussuiffigaat.
Videot meeqqanik kanngunartuliornermik nalunaaqutsigaapput, ammaraannili takuneqarsinnaapput politiit meeqqat kanngunartuliorfigineqarnissaannut videonillu meeqqanik kanngunartuliornermik imaqartunik isiginnaarnissamut meeqqanut kanngunartuliortartunut mianersoqqussuteqartut ikiortissarsiortariaqarnerinillu kaammattuuteqartut.
- Fiili una politiit qarasaassiannit aavat, videoni ilaanni tamanna oqaatigineqarpoq. Aamma fiilimik aallertup ip-adressiata, isissutaata fiilillu pineqartup allanut siammarterisimasaata politiinit pissarsiarineqarsinnaanerat oqaatigineqarpoq.
- Paasissutissanik maannakkorpiaq katersuileruttorpugut, taamaaliornikkut meeqqat kanngunartuliorfigineqarnerinik assilisanik videolianillu siammarterisimasutut pasineqartut pillugit sulianik aallartitsisinnaanngorniassagatta, politiit taama oqarput.
