Meeqqanut filmilianik Katuami oktobarimi takutitsinersuaqaqqissaaq
Buster filminik nalinginnaasumik filmertarfinni takutinneqarneq ajortunik takutitsisarfiuvoq, filmit pingasunik ukiulinniit 19-inut ukiulinnut naleqquttuullutik.
Buster ukiunik qulinngortorsiornerminut atatillugu filmit nunarsuarmit tamarmeersut 169-it ukiup ingerlanerani takutissavai, naatsulianiit piviusulersaarutinut sakkortuunut.
Katuami filmit sorliit takutinneqarumaarnersut kingusinnerusukkut nalunaarutigineqarumaarpoq.
Filmit katuami siornatut ulluunerani akeqanngitsumik takutinneqartassapput, taamaalilluni meeqqeriviit, atuarfiit, atuareernermi ornittakkat klubbillu filmeriartitsinissaminnut periarfissaqarniassammata.
Københavns Internationale FilmFestivalimi filminik takutitsisaqattaarnerit aqagu aallartittussat septembarip 19-iat ilanngullugu isiginnaariarneqarsinnaassapput.