Meeqqanut atuakkiamut nersornaat Savalimmiunut
Nunat avannarliit killiit Siunnersuisoqatigiivisa meeqqanut inuusuttunullu atuakkiortunut nersornaasiuttagaa ukiormanna Bárður Oskarsson Savalimmiuneersumut tunniunneqarpoq.
Bárður Oskarssonip atuakkiaa ”Ein hundur, Ein ketta og ein mus” - qimmeq, qitsuk teriarlu - Savalimmiuni Hotel Føroyar ullumi nalunaaqutaq ataatsinut persuarsiornartumik nersorniarneqarpoq.
Siunnersuisoqatigiit atuakkiortoq sorleq akissarsisinneqassanersoq Nuummi juunip 30-iani ataatsimiinnerminni aalajangerpaat. Naliliinermi atuakkap nutaaliorluni titartagartalersugaanera imarisaalu isiginiarneqarsimapput. Bárður Oskarssonip atuakkiani nammineq titartagartalersorlugulu allappaa, oqaluttuaralugit akerariitoqqat qimmeq qitsullu, qitsuk teriarlu pikkunaalliorlutik inuusut oqaloqatigiilernermikkut ikinngutigiilersut.
Nunat Avannarliit Killiit Siunnersuisoqatigivisa meeqqanut inuusuttunullu ukiuni kingullerni pingasuni atuakkiat akornanni toqqagartik 60.000 koruuninik aningaasartalerpaat.
Kalaallisut atugaq “Nissimaat nissimaajaqqallu” Grethe Guldagerimit allanneqartoq Nuka Godfredsenimillu assiliartalersorneqartoq innersuussanut ilaagaluarpoq.
