Meeqqanut akiliutit kiisami qaffalaarpoq

Meeqqat ataasiinnarmik angajoqqaaqartut ukiortaamiit meeqqanut akiliutinik 1000 koruuninik qaammammut pisalissapput. Meeqqanut akiliut, ukiuni 14-ini qaffanneqanngitsoq, 242 koruuninik qaffanneqarpoq.
Allattoq Jens Thorin
oktobarip 10-at 2008 15:53

Inatsisartunut ilaasortaq, Agathe Fontain, qaffaanissamik siunnersuuteqarpoq, taassumalu qaffaaneq anginngikkaluartoq iluarisimaarpaa.

- 1000 koruunimut qaffaaneq iluarisimaartariaqarparput, susaarnerminngaannit pitsaaneruvoq, Agathe Fontain Radioavimut oqarpoq.

Ilaqutariinnermut naalakkersuisoq, Arkalo Abelsen-ip, aamma nassuerutigaa, meeqqanut akiliutit qaffaataat naammanngimmata.

- Kisianni inunnik isumaginninnerup iluani aningaasat atorsinnaasavut misissoreerlugit toqqaasariaqarsimavugut, ukiorpassuarni qaffanneqarsimanngitsut qaffaaffigilaartariaqarlutigit. Taassumalu saniatigut aamma angajoqqaarsiaasartut qaffaavigineqarnerat aammalu akissaatikinnerpaat meeraannut tapit qaffaaffiginerisigut kinguaattoqqaneq – taama oqaatigisariasqarpara iluarsivigilaarlutigu, Arkalo Abelsen oqarpoq.

Ilaqutariinermut naalakkersuisoq aamma oqarpoq, periarfissaqaqqilerpat aaqqiiniutit ataqatigiinerulersillugit aaqqinneqarumartut.

Innuttaasut Meeqqanut akiliutinut Namminersornerullutik Oqartussanut akiitsui 200 millionit koruuniupput, taakkualu akilerartarnermut Aqutsisoqarfimmi akiliisitsiniartartut akilersinnialeruttorpaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq