Meeqqanik sumiginnaaneq tv-kkut sammineqalerpoq

Ilaqutariinnermut Inatsisinillu atortitsinermut Pisortaqarfiup meeqqanik sumiginnaasarnermut pinaveersaartitsiniarluni paasisitsiniaaneranut atatillugu tv-kkut aallakaatitassiat pingasut piffissami aggersumi KNR TV-kkut aallakaatinneqassapput.

Meeqqanik sumiginnaasarnermut pinaveersaartitsiniarluni paasisitsiniaaneq Ilaqutariinnermut Naalakkersuisoq Aleqa Hammond siuttoralugu Pisortaqarfiup siorna aallartippaa.

Inersimasut pisussaaffii akisussaaffiilu pillugit paasisitsiniaaneq, innuttaasunik ataatsimiisitsisarluni, paasisitsiniutinik assigiinngitsunik saqqummersitsilluni, oqariartuutinik naatsunik tv-kkut saqqummiilluni radiokkullu aallakaatitsisarluni ingerlanneqartoq, tv-kkut aallakaatitassianik pingasunik ilaneqarpoq.

Tv-kkut aallakaatitassiat immikkoortut pingasut qulequtserneqarsimapput siulleq; ” Meeraanerup annernartui”, taanna februaarip aqqaneq aappaanni KNR-TV-kkut aallakaatinneqassaaq.

Tullia: ” Meraaneq allatut ittoq”, Uummaannami meeqqat angerlarsimaffiat qitiutillugu suliaasoq sapaatip akunnerani 9-mi aallakaatinneqassaaq, taavalu pingajuat; ”Sumiginnaaneq inuiaqatigiillu” taanna sapaatip akunnerani 12-imi KNR TV-kkut aallakaatinneqassaaq.

Tv-kkut aallakaatitassiat taakku sammisaq pillugu oqillinnermik pitsaasumik kinguneqarumaarnissaat Ilaqutariinnermut Pisortaqarfimmit neriuutigineqartoq, Pisortaqarfimmiut allapput.