Tuluit politiivisa nittartakkatigut meeqqanik pornoliaqarneranik misissuinera nunani assigiinngitsuni 38-ni inuit 337-t tigusarineqarnerannut pissutaavoq.Assi: KNR/Arkiv

Meeqqanik pornoliat pillugit suliami nunanit 38-nit inuit 337-t tigusarineqartut

Tuluit Politiivisa nittartakkani meeqqanik pornolianik misissuinera hunnorujulikkaanik tigusarinninnermut pissutaavoq.

Tuluit politiivisa nittartakkatigut meeqqanik pornoliaqarneranik misissuinera nunani assigiinngitsuni 38-ni inuit 337-t tigusarineqarnerannut pissutaavoq.

Tuluit Nunaanni pinerluttulerinermi politiit misissueqqissaartartuisa, NCA-p Tuluit Nunaanni meeqqanut kinguaassiutitigut pinerluuteqartartunik ajornerpaat ilaannik misissuinera tigusarinninnerpassuarnik kinguneqarpoq.

MIsissueqqissaartarfiup Korea Kujalliup nittartagaata isertortup iserfiusinnaasup peerneqarnerata kingorna tigusarinnittoqarpoq. Nittartakkami tassani meeqqanik atoqateqarniartartut nittartakkatigut aningaasanik akiliillutik meeqqanut naapertuilluanngitsuliortunik isiginnaarsinnaapput.

Nittartagaq isertortoq programmi immikkut ittoq atorlugu kisimi iserfigineqarsinnaavoq. Taanna inatsisinik unioqqutitsisunut isertortumillu iliuutsinut assigiinngitsunut atorneqartarpoq.

Nittartagaq siorna peerneqartoq

Amerikamiut politiivisa nunarsuatsinni inuit 338-t suliamut atatillugu tigusarineqartut Washingtonimut paasissutissiissutigaa.

- Korea Kujallermit nittartagaq ”Welcome To Video”-mik ateqartoq 2018-imi marsimi atorunnaarsinneqarpoq. Taassuma videot assigiinngitsut 250.000-init amerlanerusut imarigai amerikamiut oqartussaasuisa tusagassiuutinut nalunaarutigigaat nutaarsiassaqartitsivik, Reuters allappoq.

Tuluit politiivisa oqarnerat naapertorlugu videot 250.000-it nunarsuatsinni tamarmi atuisartunit millioneriarlugit aaneqarsimapput.

- Tuluit Nunaanni, Irlandimi, USA-mi, Korea Kujallermi, Tysklandimi, Spaniami, Saudi-Arabiami, De Forenede Arabiske Emiratini, Tjekkiami Canadamilu ilaatigut tigusarinnittoqarpoq.

Tyskit Korea Kujalliullu politiivi misissueqqissaarnermi peqataapput.

Angutit arfineq-marluk eqqartuunneqareersut

Suliamut atatillugu tigusarinninnernut siulliit 2017-imeersunit arfineq-marluk eqqartuussaareersut, tuluit politiivisa ilisimatitsissutigaat.

- Angut ataaseq nukappiaqqamik tallimanik ukiulimmik pinngitsaaliinikkut atoqateqarsimanini, Welcome To Videomilu ilaasumi niviarsiaqqamik pingasunik ukiulimmik atorluisimanini pissutigalugit ukiuni 22-mi parnaarussassanngortinneqarpoq.

Angut alla 2017-imi ukiuni 25-ni parnaarussassanngortinneqarpoq, taassuma nittartakkani atornerluinerit 137-t nassuerutigai. Taanna meeqqamik allaat meeraaqqamik pinngitsaaliilluni atoqateqartoqarnissaanut ilaatigut kaammattuisimavoq.

Amerikamiut inatsiseqarnermut ministereqarfiata nittartakkamik ingerlatsisoq, 23-nik ukiulik korea kujallermioq pillugu unnerluutiginninnissat qulingiluat suliarai.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat