McDonalds Islandimi neriniartarfiuteqarunnaassaaq
Nunarsuarmi aningaasarsiornikkut ajalusoorneq pissutaalluni McDonaldsip Islandimi immikkoortortai pingasut matuneqartussanngorput.
Allattoq Mads Lynge
- Aningaasarliorneq matumani pissutaalluinnarpoq, neriniartarfiutigullu matusariaqarpavut, McDonaldsipip Islandimi immikkoortortaqarfiata pisortaa Magnus Ogmundsson oqarpoq.
Islandip koruunia nalikilliartuinnavissimavoq, nioqqutissallu eqqussorneqartut akitsuusersuiffigineqarnerulersimallutik.
- McDonald's Islandimiiginnissappat akit 20 procentinik qaffanneqartariaqassapput. Atuisartut tamanna akuersaarsinnaanavianngilaat, Magnus Ogmundsson nutaarsiassaqartitsivimmut AP-mut oqarpoq.
Mcdonald's ukiuni 16-ini Islandimi neriniartarfiuteqarsimavoq.