McDonaldit Islandimi matuneqassapput
Tassami Islandimi aningaasarsiornikkut ajornartorsiortoqarnerata kinguneranik McDonald matuneqartussanngormat. Nutaarsiassaqartitsivimmi Ritzauimi taama allaaserinnittoqarpoq.
McDonald 1993-imiilli illoqarfiit pingaarnersaanni Reykjavikimi pingasunik neriniartarfiuteqarsimasoq unnuarumiit neriniartarfiutaarutissaaq. Neriniartarfiit taakku pingasut Islandimiut burgereerniarfiutaannit Metromit pisiarineqassapput.
Neriniartarfiit taakku pingasut allamik piginnittoqalernerat malunnartinniarlugu, angutit Daavimik atillit tamarmik akeqanngitsumik aqagu burgeritorsinnaassapput. Soorlu 1993-imi McDonald neriniartarfimminik siullermik ammaagami taamaaliortoq - taamanikkummi nunap ministeriunera tassaammat David Oddsson.
Taamaalilluni Island, Kalaallit Nunaat aamma Savalimmiut assigalugit McDonaldimik neriniartarfiutaarutissaaq, soorluttaaq nunat uku aamma Mcdonaldeqarfiunngitsut assigissallugit: Albanien, Armenien, Bosnien-Hercegovina, Grækenland aamma Paaveqarfik Vatikanet.