McCartney isornartorsiorneqarpoq
Avatangiisinik illersuisuugaanni, pingaartumillu tusaamasaalluni, mianersornarsinnaavoq -
Avatangiisinimmi illersuiniaqatigiiffinneersut eqqummaarittaqaat.
Allattoq Elisa Isaksen
Nipilersoqatigiinni The Beatles-ikkunni nipilersoqataasarsimasup, saamimminik guitarillammassuup, Paul McCartney-p, tamanna nassuerutigisariaqarpaa, avatangiisinut illersuiniaqatigiiffimmit, CO2Balance-mit, annertuumik isornartorsiorneqareerluni.
McCartney avatangiisinut mingutsitsinnginnerusunik, tassa hybridinik, Japanimi sanaanik biilitaaqqammerpoq. Biilitaanili taanna limosina umiarsuakkut nassiunnagu timmisartukkut Londonimukaatsissimavaa. McCartney-p taama pinera avatangiisinik illersuiniaqatigiiffimmit CO2Balance-mit arajutsineqarsimanngilaq, kamaatigineqaqalunilu.