McCain qinigassanngortinneqarnerminut angerpoq
Partiillu ataatsimiinnerani oqalugiarami imminut tassaanerarpoq ”inuk allanngortitsisinnaasoq”. Nutaarsiassaqartitsivik Ritzau taama allaaserinnippoq.
McCainip ilaatigut neriorsuutigaa USA-p avataanit ataqqineqaqqilernissaa anguniarniarini. Partiit nikingagaluartut suleqatigiinnissamut McCainip assani isaappaa.
-USA-p ingerlariaqqinnissaanut kikkulluunniit ikiuukkusutunut assaga isaappara. Siornatigut taamaasiortareernikuuvunga, tamatumunngalu uppernarsaatissaqarpunga, McCain oqarpoq.
Præsident George Buship nuannarineqannginnerujussua aamma avaqqutaarpaa, aviisimi Jyllands-Postenimi allaaserinnittoqarpoq.
-Washington allanngortittussaagaluarlugu Washingtonimit uagut allanngortinneqarpugut. Qinersisartut uatsinnut tatiginnikkunnaarsippavut,
Buship naalakkersuinera aaqqissuuteqqinnagu nukitorsaannaratsigu, McCain oqarpoq.
McCainip oqalugiarnera ersaattaattunit kipitillatsiarneqarpoq, Sarah Palinitulli, ulloq sioqqullugu oqalugiartumit, ersaattaanneqartiginngilaq.