McCain parteeqatiminut Trumpimut isornartorsiuisoq
Tamat oqartussaanerat attakkumagaanni taava killilersugaanngitsumik tusagassiisarneq pisariaqarluinnarpoq, McCain erseqqissaavoq.
McCain taama qisuariaateqarpoq, præsidenti Donald Trumpip tusagassiorfiit pillugit sakkortuumik isornartorsiuereersorlu.
McCainilli tusagassiorfiit aamma nuannarivallaanngilai:
- Tusagassiorfiit uumigaakka. Pingaartumik illit, McCain tusagassiortumit, Chuck Toddimit apersorneqarluni
taama oqarpoq, taamatulli oqaaseqarnini erseqqissapallappaa:
- Taamaakkaluartoq tusagassiorfiit atorfissaqartippavut, taamaattumik naqisimaneqanngitsumik tusagassiisinnaaneq
pingaaruteqarlunilu pisariaqarluinnarpoq, John McCain oqarpoq.
McCainip Trumpi parteeqatigigaluarlugu Trumpimut isornartorsiuisarnini ilisimaneqaatigaa.