McCain iluatsitsivallaanngitsutut nalilerneqarpoq
USA-mi præsidentinngorniarnermi qinigassanngortittut pingaarnerit marluk, Barack Obama, Demokratineersoq, John McCainilu republikaneriusoq, novembarip sisamaani qinersinissap tungaanut naggataarutaasumik oqallitsinneqarmata, McCain iluatsitsivallaanngitsutut nalilerneqarpoq.
Allattoq Louise M. Kleemann
Immikkut ilisimasallit naapertorlugit illuatungeriit naligiittorujussuupput, McCainillu ajorsarnissaa ilimagineqaleraluttuinnarpoq:
- Obamap politikkikkut misilittagaqarpiannginnera McCainip qinersisartunut ersersinniarsaraa, qasseerpassuarialuni saassussisarluni, ilimaginngilarali qinersisartut isumaat allannguuteqarujussuarsimassasoq. Obama eqqissilluni akisarpoq, Danmarks Radiop USA-mit tusagassiisartua Thomas Falbe oqarpoq.
Aningaasaqarniarneq akileraatillu appartinneqarnissaat qinigassanngortittut immikkut ittumik eqqartorpaat.