May tunuarniarpoq, brexitimik isumaqatigiissut akuerineqarpat

Tuluit Nunaata EU-mit aninissaa nunap inatsisartuisa akuersissutigereerpassuk tuluit ministeriunerat Theresa May tunuarnissaminut piareeqqavoq.

Inatsisartunut ilaasortat konservatiivit pingasunngornermi ataatsimiinneranni tamanna nalunaarutigaa, allagaq Theresa Mayip oqaaseqataanik imalik ataatsimiinnerup kingornatigut tamanut nalunaarutigineqareersorlu The Guardian tusagassiuutillu allat taama ilatigut allaaserisaqarput.

- Brexitimik isumaqatigiinniarnerit alloriarnerisa aappaanni sammivik nutaaq - siuttorlu nutaaq - kissaatigineqartoq nalunngilara. Taamaattoqarnissaanullu akornutaanianngilanga, The Guardian naapertorlugu ataatsimiinnermi Theresa May oqarpoq.

AAMMA ATUARUK Brexitimik kinguartitsinissaq tuluit taasissutigisussanngoraat

Theresa Mayip parteeqataasalu 1922-komitémik taaneqartartumi, Det Konservative Partiip iluani ataatsimiititaliami pissaaneqaqisumi, unnugu ataatsimiinnissaat alaatsinaanneqaqaaq. 

Tassami tusagassiorfinni taakkartorneqaqimmat ministeriunerup parteeqataasa EU-mit aninissamut isumaqatigiissutaa nuannarineqanngeqisoq tapersersussagunikku ministeriuneq kimigiiserfigissaneraat ulloq aalajangersimasoq killigalugu tunuarnissani neriorsuutigeqqullugu. 

Isumaqatigiissu ttaanna tuluit intasisartuini marloriarluni itigartitsissutigineqareerpoq.

/ritzau/