Assi: Tiocfaidh ár lá 1916/Flickr Creative Commons

Brexitimik kinguartitsinissaq tuluit taasissutigisussanngoraat

Tuluit inatsisartuisa Brexit ullut pingasut ingerlanerinnaani pingajussaanik taasissutigissavaat.

Brexit, Tuluit Nunaata EU-mit aninissaa, marsip 29-ani pisussaagaluartoq kinguneqartinneqassanersoq sisamanngornermi taasissutigineqassaaq.

Tuluit inatsisartuisa aappaanni amerlanerussuteqartut pingasunngormat aalajangerput Tuluit Nunaat siumut isumaqatigiissuteqaqqaarani EU-mit anissanngitsoq. Theresa Mayillu Brexit pillugu isumaqatigiissusiaa amerlanerussuteqartunit aqaguani aamma itigartitsissutigineqarpoq.

Tuluit inatsisartui Brexitip kinguartinneqarnissaanut akuersissappata, tamanna EU-mi nunanit ilaasortanit 27-usunit akuersissutigineqaqqaassaaq. Tamannalu nunat siuttuisa sapaatit akunnerata tulliani ataatsimiinneranni pissasoq, dr.dk allaaserisaqarpoq.

AAMMA ATUARUK Theresa May piffissaq kingulleq atorlugu Brexitimut ilassuteqartoq

Brexitip juunip 30-anut kinguartinneqarnissaa tuluit naalakkersuisuisa siunnersuutigaat.

EU-p præsidentiata Donald Tuskip oqaatigaa premierministerip Therea Mayip kissaatigissappagu Brexitip sivisunerusumik kinguartinneqarnissaa Europamiut tapersersinnaassagaat, Ritzau taama allappoq.

Danmarkip Radioata Tuluit Nunaanni ilanngutassiortua, Kim Bildsøe Lassen, naapertorlugu Theresa Mayip isumaqatigiissusiami taasissutigeqqinniarsariniarpaa, naak inatsisartunit itigartitsissutigineqareeraluartoq.

Isumaqatigiissuteqaqqaarani EU-mit aninissaq pinnagu,isumaqatigiissutigisami akuerinissaanut amerlanerussuteqartut tatineqartutut maanna misigisimanissaat neriuutigalugu taamaaliussasoq, ilanngutassiortoq naliliivoq.

AAMMA ATUARUK Brexitip kinguartinneqarnissaa taasissutigineqaratarsinnaasoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat