Matusiniarnissamik neriorsuutini piviusunngortikkuminaatsissavai
Nammineq taama oqaatigaa; Guantanamop matuneqarnissaa arlaleriarluni neriorsuutigisarpaa, tusagarpullu tassaavoq novembarimi qinigaaqqammerluni aallakaatitami 60 minutes-imi neriorsuutigisaa.
Neriorsuutini qineqqusaarnermi ullulereerpaa, tassalu 2010-mi januaarip 22-ianni Guantanamomi parnaarussaarutereersimassasoq. Maannali qanoq iliorluni inuerutinneqassanersoq pillugu nalunaarutip kinguaattoornera pillugu ulluliineranut angumeqqunneqarsinnaanngilaq.
Præsidentip atorfilittaasa angumerissangagaluarpaat, ulapputtussanngorpullumi. Kongressimi qinikkat nalunaarutaannarmik perusunngillat matuneqarnissaanulli pilersaarummik tigussaasumik aningaasaliitigatik takoqqaarusupput.
Barack Obamap atorfilittaasa parnaarussat Guantanamomiissinnaanngippata sumunnartinneqassanersut paasisussaavaat. Præsidentitut ivertinneqarneraniit parnaarussat 245-sunit 20-t isumannaarneqareerput, allat 50-it USA-miit aallartinneqarnissaannut pilersaarut piareerpoq sinneruttulli 175-it sumunnartinneqarsinnaanersut suli paasineqanngilaq. Kongressimi qinikkat USA-miitikkusunngilaat immaqalu aamma nunagisaannut utertinneqarsinnaanatik, utertinneqassagunimmi naalliuttinneqarataannaapput, naalliutinneqassanngitsullu Barack Obama aamma neriorsuuteqarpoq.
