- Imigassamik matusineq isumassarsiaanngilaq torrallataq, pipallanneruvoq kisermaasserpalaarlunilu innuttaasut kommunelu isumasioqqaarneqanngillat. Sooruna Qaanaaq kisimi taama pineqalersoq, illoqarfiimmi allat?
Qaanaami sulinermik inuussutissarsiuteqartut peqatigiiffianni siulittaasoq Storm Odaq taama aperaaq. Storm Oodaap imigassamik matusineq ernunartoqartippaa:
- Neriuppugut sivikitsumik matoqqatinneqassasut ammaqqippata ernguttoqarujussuarnissaa pinngitsoortinniarlugu.
Qaanaami Atassut sinnerlugu kommunalbestyrelsemi ilaasortaq Panigpak Daorana isumaqarpoq kommune qulaatiinnarlugu matusineq ullutsinni suleriaatsimut naleqqutinngitsoq.
- Pissusissamisoornerugassaluarpoq naalakkersuisut kommunemi suliniutinut misissueqqaarsimasuuppata.
Ajornartorsiutit allivallaannginneranni imigassap ammarneqaqqinnissaa, naalakkersuisullu kommune qanimut suleqatigalugu aaqqiiniarnissaat Panigpak Daoranap inneruussutigaa.