Matthew Hensonip assinga frimærkitut saqqummerpoq
Taassuma 1909-mi Qalasersuarmut angalaqataaneranit ukiut 100-t qaangiunnerat malunnartinniarlugu Tele-Post frimærkimik ullumi saqqummersitsissaaq.
Tamanna Nuummi allakkerisarfimmi ullumi ilisaritinneqassaaq, Matthew Hensonip ernutaqqiutaa Aviaq Henson, Nuummi najugaqartoq najuuttoralugu.
Frimærke taanna Matthew Hensonip assinganik assiliartaqarpoq.
Matthew Henson qernertumik amilinni siullersaalluni 1909-mi Robert Pearyp Qalasersuarmut ilisimasassarsiornerani angalaqataavoq.
Frimærke Matthew Hensonimik assiliartalik Nuummi allakkerisarfimmi Tele Post Centerimi ualeru ilisaritinneqassaaq, frimærket allaffeqarfiani pisortamit Allan Pertti Frandsenimit. Frimærip ilisaritinneqarnerani Matthew Henson pillugu atuakkianik inniminniisoqarsinnaasoq nalunaarutigineqarpoq.