Ulussaarsuarmit Irmamit qimarrattut angallannikkut uivertitsisut
Inuit 500.000-it missaannik amerlatigisut angerlarsimaffitsik qimassagaat peqquneqarsimapput, ulussaarsuaq ulussaarsuup sakkortussusia sakkortussutsimi 5-miittoq Floridamut sapaatip akunnerata naanerani anngutsinnagu.
tamatumalu kingunerisaanik aqqutit sivikitsuinnarmik biilinik ingerlaarfigineqartartut ilaatigut ulloq naallugu ingerlaarfigineqartariaqarput, biillit ingerlaartut amerlalluinarmata.
Ulussaarsuarmit Irmamit qimarngussuunniartut biilinut orsussaminnik amigaateqarput.
Ulussaarsuaq Irma toqqaannartumik uani malinnaavigineqarsinnaavoq: (Windy.com)
Timmisartuutileqatigiit amerlanersaat nalunaarput, Floridap kujasinnerusortaanit timmisartunut angalaniartunut bilitsit tamarmik nungussimasut, naak timmisartuutileqatigiit arlaqartut immikkut timmisartuussigaluartut
Ulussaarsuaq nunamut anngutissanersut suli ilisimaneqanngilaq.
Ulussaarsuaq Irma amerikap qiterliup imartaatigut ulluni kingullerni ingerlaarnermini qeqeqartat aqqusaagaanni annertoorujussuarnik aseruatiteriffiupput.
Inuit 13-it ajunaarsimasut nalunaarutigineqarpoq, qeqertani De Amerikanske Jomfruøerni, Barbudami aamma St. Martineimi najugaqartut.
Qeqertani Florida Keysimi najugaqartut 31.000-it qimagussuupput, tallimanngornermilu siallerujussuarnissaa unnukkullu sakkortuumik anoraasuartarnissaa aarlerisaarutigineqarpoq.
/ritzau/AP