Martin Møller pissartanngorpoq

Sisoraatinik oqilaniulluni GM Ilulissani aallartippoq inersimasut unamminerat aallarnerlugu duatlon unammissutigineqarluni.
Allattoq Noah Mølgaard
apriilip 17-at 2011 05:24

Sekundit arfineq marluk taamaallaat nikingassutaapput Martin Møllerip ASP Aasianneersup aamma Øystein Slettemarkip NSP Nuummeersup siulliuniunnernani angutit unamminerat aallartimmat.

15 kilometerit marloriarlugit ingerlaffigineqarput kilometerit 15-it siulliit qangatoorlugu ingerlaarneqarput kingulliillu 15-it sukuutserluni ingerlaarfigineqarlutik.

Martin Møller unammisartutut tunuarsimagaluartoq kilometerit15-it siulliit ingerlareerneranni 7 sekundinik siulliulaarpoq siuarsimalaarninilu taanna apuunnissamut attappaa.

Øystein Slettemark taamaasilluni sølvinappoq inuusuttaat Aqqaluartaa Olsen SSP Sisimiuneersoq bronzennattoq.

Arnat 10 kilometeri marloriarlugu ingerlaarfigalugu unammipput ilimagisaareersutut ajugaasuulluni Niviaq Chemnitz Berthelsen NUP Nuummeersoq Nuummiullu klubbiata aappaanniit NSP-meersoq Uiloq Slettemark sølvinnappoq. Mariane Magnussen NSP-meersoq bronzennappoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq