Martin Møller OL-imut qanillattorpoq
Ujakkaartartoq Nunatsinneersoq Martin Møller ukiup unammiffiusup aallartinnerani OL-imi Ruslandimi Socchimi ingerlanneqartussamut piareersarluni ingerlallualaavissorpoq. Martin Møller ukiormanna World Cupimi unamminerit siullersaannut sapaatit-akunnerata naalernerani peqataassaaq.
Allattoq Peter Troelsen, Simon Uldum
novembarip 26-at 2013 02:19
World Cupimilu unamminerit ujakkaartartup Nunatsinneersup OL-imut anngunniarnissaminut atortussaavai. Martin Mølle timersornerup silarsuaani misigisassat annersaannut OL-imut peqataassaguni World Cupimi unamminernut marlunnut peqataasariaqarpoq FIS-pointinillu 100-nik taakkuluunniit ataallugit angusaqartariaqarluni. Martin Møllerilllu tamanna angusinnaassappagu, Nunarput OL-imi peqataatitatussanngussaaq.
Martin Møllerip OL-imut peqataanissaminnut piukkunnaateqarluarnini sapaatit-akunnerata naanerani takutippaa, Sverigemi unamminermi FIS-pointinik 62-inik angusaqarami. Ukiup ingerlanerani marlussoriarluni taamaalioruni Ukiuunerani Olympiademut februaarip qaammataani ingerlanneqatussamut peqataasinnaassaaq.
