Martin Møller Nuuk maratonimi ajugaavoq

Sisoraatinik oqilaniuttartoq Martin Møller ukiormanna angusarissaaqattaarpoq. Siullermik Arctic Circle Race-mi ajugaavoq kingorna sisoraatinik oqilaniunnermi GM-qarnerani arlaleriarluni kultinnalluni. Ullumilu tassa ajugaasarnermini eqqaasassani ilavai Nuuk Maratonimi soriagassaanani ajugaangami.

Martin Møllerip ajugaanermini atorpai 2.46,13 timer tullersortaasullu Niels Ole Qvistip 3.10,27 tiimit atorpai Klaus Geislerip normu 3-nngornermini 3.31,24 tiimit atorai.

Arnani ajugaasuuvoq Mette Geisler nalunaaquttap akunneri 3.53,22 arpattoq. Tanja Nørgaard tullersortaavoq atorlugit nalunaaquttap akunneri 4.20,17 pingajuusullu Marie Louise Møllerip nalunaaquttap akunneri 4.28,27 atorpai.

Angusat:
Maraton:
Angutit:
1. Martin Møller 2.46,13 tiimit
2. Niels Ole Qvist 3.10,27 tiimit
3. Klaus Geisler 3.31,24 tiimit

Arnat:
1. Mette Lynge 3.53,22 tiimit
2. Tanja Nørgaard 4.20,17 tiimit
3. Marie Louise Møller 4.38,27 tiimit

1/2 maraton
Angutit:
1. Stig Brahe Sørensen 1.17,13 tiimit
2. Thorlak Skifte Nielsen 1.27,06 tiimit
3. Erik Amondsen 1.30,00 tiimit

Arnat:
1. Katti Frederiksen 1.30,30 tiimit
2. Stine Steinmejer 1.36,03 tiimit
3. Natuk Olsen 1.45,57 tiimit