Martin Møller OL-imut peqataasussatut toqqarneqarpoq
Ujakkaartartoq Nunatsinneersoq Martin Møller OL-imut Ruslandimi Sochimi ingerlanneqartussamut peqataasussat toqqarneqarpoq. Møllerip peqataanissaa sivisuumik ilimagineqareersimavoq, Møllerili peqataanissaminik Danmark Olympiske Komitemit ullumi kiisami nalunaarfigineqarpoq.
Allattoq Peter Troelsen, Simon Uldum
Nunarput namminerisaminik olympisk komiteqanngimmat, Martin Møller danskit erfalasuat atorlugu OL-imut peqataassaaq. Unammeriaatsinut sorlerpiarnut Martin Møller peqataaniarnersoq suli ilisimaneqanngikkallarpoq, Møllerilli toqqagaanermigut kalaallit sisorartartut OL-imut peqataasimasut allat malippai, soorlu Apollo Lynge aamma Michael Bintzer.
Martin Møller piffissami februaarip 7-ianit 23-ianut Sochimi OL-imut peqataassaaq.