Martha Abelsen naalakkersuisunngortinneqartoq
Kim Kielsenip 61-inik ukiulik Martha Abelsen naalakkersuisutut Inatsisartuni oqaluttarfimmit siunnersuutigaa.
Inatsisartuni ilaasortat 18-it akuersillutik taasissut, ilaasortallu aqqanillit taaseqataanngitsut, Inatsisartut allattoqarfiannit uppernarsarpaat.
AAMMA ATUARUK Doris J. Jensenip akisussaaffigisai Erik Jensenimit akisussaaffigineqarallalersut
Doris J. Jensenip Naalakkersuisunit oktobarip ulluisa 17-ianni tunuartup akisussaaffigisai Martha Abelsenip akisussaaffigilerpai.
Erik Jensenip peqqissutsimut, isumaginninnermut inatsisinillu atuutsitsinermut naalakkersuisoqarfimmi suliassaqarfiit Doris J. Jensen tunuarmalli akisussaaffigigallarpai.
AAMMA ATUARUK Doris J. Jensen Naalakkersuisunit tunuarpoq
Martha Abelsen isumaginninnermut aqutsisoqarfimmi immikkoortortaqarfimmi pisortatut maannamut atorfeqarpoq, Kommuneqarfik Sermersuumi borgmesterimut tulliusimalluni, KANUKOKA-milu siulittaasuusimalluni.
Politikkimit 2015-imit tunuaraluarpoq, maannali tassa naalakkersuisunngorluni.