Marsimi ummassuseqarsimanissaa takussutissaqartinnerarpaat
Ulloriarsuarmi Marsimi uumassuseqarsimanissaannik takussutissaqartoq, ilisimatuut NASA-meersut, tassa amerikamiut avataarsualiartitsisarfianneersut oqaatigaat.
Danmarkip Radiuata nittartagaani tamanna atuarneqarsinnaavoq.
Allattoq Mads Lynge
Marsimi gassi metani erngullu aalaa ilimagisamit annertunerusoq aasaanerani aniasartoq paasineqarpoq, Marsimilu uumassusseqarsimanissaannut tamanna takussutissaannaasoq ilisimatuut oqaatigaat.
Marsip silaannaa metanimik erngullu aalaanik akoqartoq qaammataasatigut misissuinermi paasineqarpoq:
- Metanip suminngaanneersuunissaa maanna apeqqutaavoq. Qanoq pisoqaatiginersoq suminngaanniillu aallaaveqarnersoq ilisimanngilarput, Michael Mumma NASA-meersoq oqarpoq.
Gassi taanna uumassusilimminngaanneersinnaanersoq nalunarallarpoq, qaqqat innermik anitsisartuninngaanneersuunissaa aamma ilimagineqarsinnaammat.