Marsimi aalajangerneqartussanngorpoq
- Marsip naalernerani suliami aatsaat aalajangiisoqarnissaa naatsorsuutigaarput, politimesterip tullia Morten Nielsen oqarpoq.
Siorna aprilimi Katuami ataatsimeersuarnerup kingorna Jonathan Motzfeldtip angerlarsimaffiani imertoqarnerata nalaani arnamut kanngunartuliortoqarsimanera pillugu suliaq aalassassutaasoq politiiit Paasiniaasartoqatigiivisa paasiniaaffigaat.
Arnamut kinguaassiutitigut kanngunartuliortoqarsimanera Jonathan Motzfeldtip ilumuunnginnerarpaa, inatsisartunilu siulittaasutut tunuarnerminut atatillugu nalunaarluni, taama sakkortutigisumik pisuutinneqarnermini pinngitsuutinneqarnissani suna tamaat tikillugu anguniarniarlugu.
Nuummi politiit paasiniaanerat arnap maalaarutigereeraalu naalagaaffiup unnerluussisuata piumasaqarnera naapertorlugu Jonathan Motzfeldtip paasiniaaffigineqarnera nangeqqinneqarpoq.
