Aatsitassamik aqerlumik zink-imillu Marmarilimmi piiasinnaannissaq ukiuni tulliuttuni periarfissaqarluarpoq. Aatsitassarsioqatigiiffik Angus aamma Ross PLC Uummannallu kommunea Namminersornerullutik Oqartussani aatsitassat pillugit pisortaqarfik suleqatigalugu Uummannap Timersortarfiani pilersaarusiornissaq pillugu ullumi aqagulu ataatsimeeqatigiissapput.
Piiaaffinni nunaqavissut sulisorineqarsinnaanerat, sungiusarfissanik ilinniaqqiffissanillu pisariaqartitat, kiisalu namminersortut aatsitassarsiornermik ingerlatsinermit iluanaaruteqaqataasinnaanissaat ataatsimiinnermi oqaluuserisassanut ilaassapput.
Ineqarnermut, Attaveqarnermut Aatsitassanullu Naalakkersuisoq Kim Kielsen Uummannap kommuneani borgmesteri Jens Lars Fleischer oqartussat assigiinngitsut,
soqutigisaqaqatigiiffiit namminersortumillu suliffiutillit sapaatip akunnerata naanerani ataatsimeeqatigiilerunik oqaluuserisassat pineqartut ilaatigut sammissavaat.
Aatsitassanut Ikummatissanullu Pisortaqarfik Uummannallu Kommunia sulereernerup kingorna ataatsimiinnissamut qaaqqusipput aqagu ataasinngornermi junip ulluisa sisamaani nal. 17.00-19.00 Uummannap atuarfiata inersuaani. Innuttaasut tusagassiortullu ataatsimiinnermut tikilluaqqusaallutik, Namminersornerullutik oqartussat Tusagassiiviat allappoq.
