Marlunngorpat Danmarkimi corona pillugu killilersuutit atorunnaassapput
- Ullumikkut oqarsinnaavugut angusilluta, coronallu taartitaanit anillannisssamut piareerluta. Killilersuutit inuulluaqquavut coronaqanngikkallarmallu inuunerput ilassillugu tikilluaqqullugu.
- Ajornartooqqaneq qaangerparput, oqarpoq.
Sapaatip akunnerata tullianiit Danmarkimi inuuneq coronavirusimit annikinnerujussuarmik sunnigaalissaaq. Tassami Danmarkimi inunnut corona pillugu killilersuutit marlunngorpamiit qaanngiutissapput.
Pingasunngormat unnukkut ministeriuneq Mette Frederiksen (S) tusagassiortunik katersuutitsinermi taama oqarpoq.
Nappaat inuiaqatigiinnut ajoqutaasoq
Nappaat inuiaqatigiinnut ajoqutaasutut nalilerneqarpat naalakkersuisut killilersuiniarunik Folketinget aperisariaqanngilaat.
Epidemiudvalget aperissallugu naammappoq, tassanilu killilersuutinut amerlanerussuteqartut akerliussanngillat.
Sundhedsstyrelsen-ip nappaatip nalinginnaasumik ulorianartutut nassuiarnissaa piumasarineqarpoq.
Tassa nappaatip inuiaqatigiinnut ajoqutaasuunersoq politikikkut aalajangiineruvoq.
Taamaappat killilersuutit makku atuutilersinneqarsinaapput:
* Katersuunnissamut inerteqqut.
* Misissortinnissamut piumasaqaat.
* Angallassissutinik tamanit atorneqarsinnaasunik atuinermut killilersuutit.
* Coronapas-eqarnissamut piumasaqaat.
* Sassaalliisarfinnut matuffissat.
* Arealinut piumasaqaatit.
* Annertuumik tunillaasortoqartillugu isumamineersumik matusisarnerit.
* Qanermut assiaquteqarnissamut piumasaqaat.
* Inatsisit allat saneqqunneri aamma nioqqutissanik qulakkeerineq.
* Qanimut atassuteqarfiit assersuutigalugu atuarfinnit angerlartinneqarneri angajoqqat apereqqaarnagit.
Inuiaqatigiinnut ajoqutaajunnaarpoq
Pingasunngormat siusinnerusukkut naalakkersuisut qanoq isumaliornerannik sundhedsministeripMagnus Heunicke-p (S) Folketinget nalunaarfigaa. Kililersuutit amerlanerpaat atorunnaarnerisa saniatigut corona 1. februaarimiit corona tassaajunnaassaaq "nappaat inuiaqatigiinnut ajoqutaasoq."
Inunnut Danmarkimut iserniartunut malittarisassat aalajangersimasut suli atuutissapput.
Sundhedsministeriet naapertorlugu inunnut akiuususerneqanngitsunut imaluunniit siornatigut unillatsissimanngitsunut iserniartunut misissortinnissamut aamma mattusimanissamut piumasaqaateqartoqassaq.
Pingasungormat tusagssiortunik katersuutitsinermi ministeriunerup aamma sundhedsministerip Magnus Heunicke-p (S) killilersuutit qanngiunnerat pingaarluinnartumik angusaqarnertut taavaat.
- Anguniagarput anguarput. Tunillatsinnermut kisitsisit unitsinneqarnermut kisitsinit kaanngartippavut, Magnus Heunicke (S) oqarpoq.
Tunillatsittorpassuit
Ministeriunerup akiuussusertinneqarnerup siaruaalluarnera ilaatigut peqqutaatippaa.
- Akiuussuserneqarnermut tapersersuineq taama annertutigisoq isumaqarnitsitut ippoq: Tassa sakkorsuarput sunniutilissuaq, taannalu suli inuiaqatigiitsinni tunillaassornermut annertuumik illersuutigaarput, Mette Frederiksen oqarpoq.
Killilersuutit atorunnaarsinneqarnerat Danmarkimi annertoorsuarmik tunillaassornerup nalaani pivoq. Ippassaq coronamik tunillatsittut 46.590 nalunaarsorneqarput, Statens Serum Institutimit kisitsisit takutippaat.
Ullormi ataatsimi uppernarsineqarlutik tunillatsittut amerlanerpaartaasa tulleraat.
Manna tikillugu tunillatsittu amerlanerpaat tassaapput 46.831, 21. januaarimi.
Danskit 4.734.411- tassa innuttaasut tamarmik 80,6 procentii - naammassillutik akiuussuserneqareeerput.