Marlunngorpamiit allakkatigut taasisoqarsinnaalissaaq
Allakkatigut taasinerit taasiartortarfimmut anngutereersimassapput marlunngornermi novembarip ulluisa 25-anni nalunaaqutaq unnukkut arfineq-pingasunut.
Inuit ulloq taasiffiusumi taasiartornissamik ajornartorsiuteqartut allakkatigut taasisinnaatitaassapput. Napparsimmavinni, peqqissartarfinni paarineqartarfimmiluunniit uninngasut, pinerluttunik isumaginnittoqarfiup inissiisarfiini inissinneqarsimasut, umiarsuarmi Kalaallit Nunaanni angerlarsimaffeqartumi sulisuusut, mittarfinni, silasiorfinni allanilu kommunit aggornerisa avataanni inissisimasut, inoqarfinnilu avinngarusimasuni immikkut taasiartorfeqanngitsuni najugallit allakkatigut taasisinnaatitaassapput.
Taasifissavit kommunivilluunniit avataaniikkuit, kommuninni qinersisussat allattorsimaffianni illit nalunaarneqarsimaffigisannut allakkatigut taasinerit nassiutissavat.
Allakkatigut taasissaguit nunaqarfimmi kommunip allaffiannut imaluunniit illoqarfimmi inuit aqqinik nalunaarsuiffimmut, tassa folkeregisterimut saaffiginnissaatit.
Naalagaaffiup avataaniikkuit danskit aallartitaqarfiini imaluunniit konsuleqafinni allakkatigut taasisinnaavutit.
