Marluk nivinngagaapput

Saddam Husseinip affarmik qatanngutaa angut, aamma isertortumik paasiniaasartuni siusinnerusukkut pisortaasimasoq, Barzan Ibrahim al-Tikiri, taavalu mimisitsisunut eqqartuussivissuarmi eqqartuussisuunerusimasoq, Awad Hamed al-Bander, ullaassaq nivinngagaasut Irakimi naalakkersuisut ullaaq manna uppernarsarpaat.

Barzan Ibrahim al-Tikriti mumisitsisunullu eqqartuussivimmi eqqartuussisuunerusimasoq, Awad Hamed al-Bander, Saddam Hussein peqatigalugu nunaannarmi illoqarfimmi Dujailimi inunnik katillugit 148-nik 1982-imi toqoraasimasutut eqqartuussaanikuupput.

Saddam Hussein ullut 16-it matuma siorna nivinngagaareersorlu pisoq una pivoq. Kisermaassilluni naalakkersuisuusimasup nivinngagaanera videomik isertortumik filmiliarineqarsimammat taama pisoqaqqinnissaa siumut ernummatigineqaraluarpoq. Ullaassaq nivinngaanermi malinnaasut pappialamut atsiorlutik neriorsuutigaat, nivinngaanermi assilisat qaquguluunniit tamanut takutitassiarineqassanngitsut.

al-Tikriti al-Banderilu ullormi Saddam Husseinip nivinngagaanerani aamma nivinngagaassasut pilersaarutaasimagaluarpoq. Taakkuli nivinngagaanissaat arlaleriarluni kinguartinneqarpoq.