Marie Fleischer: Naammaleqaaq!
Demokraatit sinnerlugit inatsisartuni ilaasortaq partiimilu allattaaneq Marie Fleischer demokraatinit ilaasortaajunnaarluni nalunaarpoq. Partiimi siulersuisuunerit affaat soraarsitaanerat aaqqissuutaagallarsinnaasunillu ujartuigaluarneq ilutsinngimmat Marie Fleischer Demokraatinit ilaasortaajunnaarnerminut tunngavilersuutaasa ilagaat.
Allattoq Louise M. Kleemann
maajip 16-at 2008 10:11
Siulersunngorniunnermi siulitaasussatut piukkuttut Palle Christiansen Jens B. Frederiksen-ilu imminnut mattullutik ingerlatsipput, oqartussaaqataaneq unneqqarissuserlu ingerlannagu Marie Fleischer tusagaassiuutinut nalunaarummini allappoq.
Inuit ataasikkaat siulittaasunngornissaminnut piumassuseqarpallaarnerat Demokraatit ajornartorsiornerannut sequmminerannullu pissutaavoq.
Inatsisartunut qinersinermi Marie Fleischer Demokraatini qinerneqarpaat pingajoraat, tullianilu inatsisartunut qinersisoqarnissaata tungaanut inatsisartuni ilaasortaaginnarniarpoq, inuiaat kalallit sullinniaramigit, Marie Fleischer demokraatinit tunuarluni tusagassiuutinut nalunaaruteqarmini allappoq.
