Marie Fleischer: Naalakkersuisut kusanaatsuliorput
Inissiaatileqatigiiffiup A/S INI-p inissianut akiliutinik qaffaaniarneranut oqallinnermut Demokraatit ineqarnermut oqaaseqartartuat, Marie Fleischer, maanna akuliuppoq.
januaarip 02-at 2008 08:29
Radioavisimi tallimanngormat soorlu oqaluttuarigipput inigisamut akiliutit A/S INI-p januaarimi februaarimilu qaffanniarpai.
Inissiat paarilluagaanngitsut aserfallatsaaliorneqarnerinut pitsanngorsarnissaannullu qaffaatit atorneqassapput.
Marie Fleischerilli Naalakkersuisut kalaallinut attartortunut kusanaatsuliornerarpai.
Taamaammat innuttaasunut pinngitsaalineqarlutik inissianik ima aaqqissugassaatigisunik najugaqartunut akiligassamik ingerlatitseqqinneq silaqarpasinnginnertut isiginarpoq.
-Piffissanngorpoq Naalakkersuisut akisussaaffimmik kivitsinissaannut.
Nutarterineq aserfallatsaaliuinerlu pinngitsoorani Kalaallit Nunatta karsianinngaaniit pissaaq, inuinnaat aningaasanik toqqaannartumik aallerfiginagit.
