Marie Fleischer naalakkersuisunut apeqquteqaateqarpoq
Alumiiniumik aatsitsiviliorniarnermut atatillugu nunarsuarmi aningaasarsiornikkut ajornartorsiutit naalakkersuisut naliliiniarnerminnut ilaatissimaneraat, Inatsisartunut ilaasortap, Attaviitsup Marie Fleischerip naalakkersuisunut ullumi apeqquteqaatigaa.
Akuersissuteqarnikkut ingerlatsinissaq imaluunniit piginneqatiginnikkut ingerlatsinissaq naalakkersuisut aalajangiiffigisimaneraat, Marie Fleischerip paaserusuppaa.
Aatsitassanik iluaqutissarsiornermi iluatsitsinngitsoortoqassagaluarpat, Kalaallit Nunaanni aningaasaqarniarnikkut ikorfartuutaasussat suunersut Marie Fleischerip aamma paaserusuppaa.
Maarmorilimmi piiaaffiup ammarneqaqqinnginnissaanut aalajangiineq apeqqummut tunngaviliisoq.
Maniitsup eqqaani Niaqunngunami olivinisiorneq aamma annikillisarneqaqqammerpoq.
Illoqqortoormiut eqqaani molybdænimik piianissap kinguartinneqarallarnera, Quadra Miningip piginnittuanit Bob Walishimit aamma nalunaarutigineqaqqammerpoq.