Marathonimik arpannermi kinguneranik qerussuuttoq

Sanasoq Jacob Arum Jensen aviisimut BT-mut oqarpoq, tassunga assingusumik nalaataqarsimanngisaannarluni.

- Uangarpiaq nalaatsinerlunnerpaajugama tupaallaatigaara, tassami sanasuugama silami sulineq sungiusimalluaraluarpara, aamma nillertumi.

Taassuma kingusinaarluni paasivaa arpannerup nalaanni nakorsassarsiortariaqarsimagaluarluni:

- Kisiannili assakka kissassimaartiinnaraanni ajornavianngitsoq isumaqarsimavunga, taanna oqarpoq.

Issisiut arfininngormat 17-imiissimavoq, anorili ilanngukkaanni tamanna 35-nik issitisigisutulli misinnarluni.

- Aaqqatikka issimut 15-imik sakkortutigisumut akiuussinnaasussaagaluit atoraluarlugit kilometerialuit ingerlareerlunga assakka malugisimasaarupput, Jacob Arum Jensen oqarpoq.

Ajornerpaaq pisimassagaluarpat inussakka piiarneqassagaluarput, inuttaa assani plasticposinut illersuutissianut poortuulluarsimallugit Kangerlussuarmi aviisimit BT-mit naapinneqarluni oqarpoq.

Taanna Rigshospitalimut misissortikkiartorluni aqagu aallassaaq.