Marøp nassuiaataa suli naammaginngilaat

Naalakkersuisunut ilaasortap, Tommy Marøp, decembarimi julefrokosterernerup kingorna susimanerminik allakkatigut nassuiaataa Demokraatit isornartoqartippaat. Taamaammat Demokraatit Naalakkersuisunut arlalinnik apeqquteqarput.

Tommy Marøp ilaatigut oqarnera, Demokraatit sinnerlugit Inatsisartunut ilaasortaq, Marie Fleischer, torsuusarsuarni ilisimatissimallugu, julefrokosternerup kingorna pisimasumik Sermitsiap allaaserisaani nammineq pineqarluni. – ”Kisianni, Demokraatit allapput: - tamanna ilumuunngilluinnarpoq”.

Demokraatit aamma oqarput, pisup saqqummiunneqarnerata nalaani, tassa decembarip ulluisa 15-ianniit 22-ata tungaanut, Marie Fleischerip sumiinnera nalunngilluinnaritsik.

Taamaammat Demokraatit Naalakkersuisunut ilaatigut apeqqutigaat, Tommy Marøp nassuiaataa naammagisimaarneraat. Aamma aperipput, Marøp Fleischerillu attaveqatigiissimanerat qangarpiaq sumilu piva, aamma sunarpiaq eqqartorneqarpa? Oqaloqatigiinneq taanna naatsumik oqaatigalugu qanoq-una imaqarsimasoq? Suunuku ”Torsuusarsuit”?

Demokraatit aperipput.

Ullormi julefrokosterfiusumi unnukkut qanorpiaq pisoqarsimanersoq Demokraatit aamma apeqqutigaat.