Maorit eqqartuussivikkut unnerluunneqarsinnaanngitsut
Maorit tigusarineqartut 16-it akornanni 12-it pinerliiniartutut eqqartuunneqarsinnaanngitsut, New Zealandimi naalakkersuisut inatsisilerituuat, David Collins, tusagassiortunut ullumi oqariartuuteqarpoq.
Taakkuali pinerliiniartutut pilersaarusiorsimanermik eqqartuunneqarsinnaanngikkaluarlutik, sakkulersorsimanertik pillugu Eqqartuussivimmi unnerluunneqarsinnaanerarpai, oqarlunilu politiit pinerliiniarnermik pilersaarusiortoqarsoralugu misissuinerminni iliuuserisimasaat isornartorsiunngilluinnarlugu.
- Politiit misissuinermi malittarisassat unioqqutinngilaat, David Collins oqarpoq, Pinerliiniarnermulli inatsit paasiuminaannerarpaa ataqatigiissaanngilluinnarnerarlugulu, inatsillu Inatsisilerinermik Kommissionimut suliassanngorteqquaa, innuttaasut pinerliiniarnermik pilersaaruteqarsimasut eqqartuunneqarsinnaaneranut atorneqarsinnanngimmat.
Maorinik tigusarinninneq New Zealandimi innuttaasunik avissaartuutitsisimavoq, oqallitsitsinermillu pilersitsisimalluni.
Eqqartuussinerit ingerlanneqaleruttornerani Maorit kinaassusaat isertuunneqaraluartoq, paasineqarpoq angut ataaseq Schweitzetut inuiaassueqartoq kiisalu akerliussutsimik takutitsisartoq maoreq Tame Iti tigusarineqartunut ilaasut.
