Maniitsup Katersugaasivia unnummi kulturisiorfimmi pulaarneqarluarpoq
Unnummi kulturisiorfimi katersugaaisiviup qajaasaarfitaava atoqqaartinneqarpoq. Pulaartullu qangatut kinngunaveersaanermik ilinnarlutit puisimillu pisaqarniartuusaarlutik unaamik puisinniartuusaarput. Aaqqissuussineq iluatsilluarpoq.
Allattoq Peter Troelsen, Simon Uldum
januaarip 28-at 2014 11:07
Aammattaaq katersugaavisiup aalajangersimasumik saqqummersiitaasa saniatigut katesugaasiviup iluani illoqarfimmiut eqqumiitsuliaannik pinnersarneqarsimavoq. Qatanngutigiit Lauritz, William aamma Jakob Jessen pinnersaasuupput.
Pulaartut aamma Maniitsup illoqarfittut oqaluttuarisaanera pillugu atuakkiamik, ulloq taanna iluatsillugu immikkut akikillillugu tuniniakkamik pisisinnaasimapput.
Katersugaasiup kaajallariaani sermimik naneruusersukkanik qaammaqqusersuisoqarsimavoq, katersugaasivimmilu kaffimik, tiimik, paarnap isseranik kaageeqqanillu sassaalliisoqarpoq. Katersugaasivik Unnummi kulturisiorfimmi 120-t missaannik pulaartoqarpoq.
