Maniitsup Efterskolia allilerneqassaaq
- Nerisarfiit igaffimmilu atortorissaarutit pitsaaanerusut pissarsiarineqassapput. Neriuutigaara septembarip ingerlanerani naammassisinnaassalluta, efterskolip pisortaa, Flemming Cederholm oqarpoq.
Aasaanerani allanngortiterineq pissutigalugu atuarneq aatsaat septembarip aqqaneq-aappaani aallartinneqassaaq.
- Neriuutigaara angumerisinnaassallutigit, Flemming Cederholm oqarpoq nangillunilu ilisimatitsissutigalugu ukiumut atuarfiusumut tullermut atuartut 72-it tiguneqarsimasut. Atuartut sinerissamiit tamarmit avannaani Qaanaamiit tunumilu Tasiilamiit aggersuupput.
Atuarfiup allanngortiterneqarnissaanut 4,5 millionit koruuninik Inatsisartut Aningaasaqarnermut Ataatsimiititaliaanut Naalakkersuisut qinnuteqarniarlutik aalajangerput.
Ilinniartitaanermut, Ilisimatusarnermullu Naalakkersuisoq, Palle Christiansen iluarisimaarinnippoq:
- Pilersaarut iluatsissappat tamanna Naalakkersuisunut nuannaarutaassaqaaq. Taamaalilluta inuusuttut suli amerlanerusut ilinniartuutigilissavagut aammalumi suli 20-t ilorraap tungaanut aallareerput, Palle Christiansen oqarpoq.
