Maniitsumi umimmanniarfik annikillineqartoq
Naalakkersuisut taama nalunaaruteqarput.
- Piniarfimmi tassani umimmaat sinneruttut tiggaanerummata tammajuitsussarsiorluni umimmanniarnermut piukkunnarnerupput. Umimmaqarfinni tamani ukiukkut upernaakkullu akiliisitsilluni umimmanniartitsineq inassutigineqarpoq pisarineqartartut ikittuinnaasarmata, taama tunngavilersortoqarpoq.
Inuussutissarsiutigalugu sunngiffimmilu piniartut Maniitsumi piniarfimmi 2-mi piniaqqusaannginnerat ukiumut ukiumut nalilersuiffigineqartassaaq, tammajuitsussarsiniarlunili piniarneq allannguuteqartinneqassanngilaq.
Aamma atuaruk: Sunngiffimmi piniartut sivikinnerusumik piniartalissapput
Umimmaniarneq pillugu Naalakkersuisut maleruaqqusaat tamaasa uani atuarsinnaavatit.
Piniarfinni 1-imi 3-milu inuussutissarsiutigalugu piniarneq januaarip qulingani aallartissaaq marsillu qulingani unissalluni. Sunngiffimmi piniartut piffissami tassani piniarfimmi 1-imi umimmanniarsinnaapput.
